|
 Derheqê Parlementera berê ya DEP'ê Leyla Zana de, ji ber 9 axaftinên cuda, doz hatin vekirin. Ji bo Zana, 60 sal cezayê girtinê tê xwestin.
Serdozgeriya Komarê ya Amedê, der barê Zana de, ji ber 9 axaftinên cuda ku li Amedê, Êlihê, Çewlikê û Parlamentoya Ewropayê di nav salek dawî de kiriye, dozek nû vekir.
Zana, ji ber axaftinên ku kiriye, li gorî xala 7/2 ya Zagona Têkoþîna bi Terorê re ya Hejmar 3713, bi îdîaya 'propagandaya rêxistina derzagonî kiriye' û ve li gorî xalên 314/3 û 314/2 ên TCK'ê, bi îdîaya 'endamek rêxistinê nîne lê li ser navê rêxistinê sûc kiriye' tê tewanbarkirin. Ji bo Zana, bi tevahî 60 sal cezayê girtinê tê xwestin.
Di îdîanameya ji aliyê Serdozgeriya Komarê ve hatie amadekirin de ev agahî tên dayîn: "Zana di demên cuda de di Kongreya Civaka Demokratîk a ji aliyê Rêxistina Bajêr a DTP'ê ya Amedê ve hate lidarxistin de, di Newroza 2008'an de, di 8'ê Adarê Roja Jinan a Cîhanê de, di meþa ji aliyê DTP'a Amedê ve ji bo þermezarkirina tevgera hewayî ya TSK'ê ya li hemberî Herêma Kurdistana Federal pêk hatibû hate lidarxistin de, di mitîngên hilbijartinê yên beriya hilbijartinên 22'yê tîrmehê mi Çewlik, Amed û Êlihê hatin lidarxistin de û li Parlamentoya Ewropayê, axaftin kiriye. Di van axaftinan de 'pesnê PKK'ê û Abdullah Ocalan daye', 'ciwanan ji leþkeriyê sar kiriye', 'dema behsa bajarên herêmê yên Tirkiyeyê kiriye, gotiye Kurdistana Bakûr', 'behsa bakûrê Iraqê kiriye gotiye Kurdistana Baþûr'. Zana, gotiye 'girtina Abdullah Ocalan di dilê kurdan de erheja siyasî çêkiriye', xwedî li 'kampanyaya Êdî Bes e ya ji aliyê PKK'ê ve wek çalakiya bêîteatiya sivîl hatiye destpêkirin derketiye, ji bo Roj TV yê gotiye 'em bi 4 zimanan weþanê dikin', operasyonên li hemberî PKK'ê bi gotinên 'gule bi kurdan de barandine' nirxandiye. Li gorî vê yekê, divê 60 sal cezayê girtinê li Zana bê birîn."
|
