|
Le plīnomī duwemī Komeley žoržgźr da žer hate arawe |
|
|
Sunday, 13 April 2008 |
 Le duwemîn plînomî duway kongirey 12 ey Komeley žoržgêrî zehmetkêžanî kurdistanî êran da, duway destûrî girtinî yekêk le endamanî serkirdayetî le layen Serokî hîzbekewe, pêkdadanî fîzîkî hate arawe u lanî kem 2 kes birîndarn u 12 kesîž qolbest kirawn.
Le miyaney beberiyekdahelçûne zarekiyekanî dû balî naw serkirdayetî komele le plînomî duwem da, serokî komele 'Ebidula Mohtedî, destûrî girtinî 'Ebidula Konepožî, yekêk le endamanî serkirdayetî hîzbekey dawe. serçaweke ažkiray kird ke ew destûrey Mohtedî le katêk da buwe ke Konepožî, be nîžaney narezayetî derbirîn le heluwêstî balî Mohtedî, îstuwiyetî salonî plînom becê bêlêt.
Le encamî ew kêžmekêžey nêwan dû balekey komeleda, lêkdanî fîzîkî hatote arawe u lanî kem dû kes ('Ebidula Konepožî u layengirêkî benawî Hemîd) birîndarn. seçaweke gutîžî ke le çend žuwênêkî ordugaž dengî teqe hatuwe.
Le layekî dîkewe be guwêrey ew zaniyarîaney dest kewtûn, serkirdayetî komele destûrî çekkirdinî layengiranî konepožê dawe u yekêkîž lewan (Mensûr Rewend), žewî rarbirdû, le katêk da ke leser postî parêzgarî (nîgabanî) buwe daway lê kirawe çekekey danêt, belam nawbiraw ew dawayey ret kirdotewe u le encamîžda teqey hewayî kirawe. Pêžmergekanî layengirî serokî hîzb 'Ebidula Mohtedî, her êsta dewrî malekanî layengirî Konepožîan girtuwe.
Asayžî Silêmanî emro 12 kesî le layengiranî Konepožî qolbest kirduwe.
Yekêk le layengiranî Konepožî be çek birîndar kirawe u rûnîžî kirdewe ke sê kes, le nawiyanda dû endamî sekirdayetî, teqeyan le layengirnî Konepožî kirduwe.
'Ebidula azerbar endamî kumîtey nawendî, 'Elî Cewahêrî cêgirî kumîtey nawendî u Kemalî Mam xidrî teqeyan le layengiranî Konepožî kirduwe, eme le katêkdaye ke hemû gîrawekanî emro, le layengiranî Konepožî n.
renesans
|
